Ոստիկաններն անհամաչափ ուժ են կիրառել «Հիմնադիր խորհրդարանի» աջակից Վահրամ Պետրոսյանի նկատմամբ

Armlur.am-ը Հիմնադիր խորհրդարանի քարտուղարությունից տեղեկանում է, որ այսօր՝ սեպտեմբերի 1-ին, ժամը 17:30-ի սահմաններում, Մարշալ Բաղրամյան պողոտայում «Ոչ թալանին» նախաձեռնության կազմակերպած անհնազանդության ակցիայի ժամանակ ոստիկաններն անհամաչափ ուժ են կիրառել «Հիմնադիր խորհրդարանի» աջակից Վահրամ Պետրոսյանի նկատմամբ՝ աչքի շրջանում հասցնելով մարմնական վնասվածք: Ներկայումս Վահրամ Պետրոսյանին բուժօգնություն են ցուցաբերում: