Լուսանկարն արվել է Երեւանի Սայաթ-Նովայի եւ Տերյան փողոցների խաչմերուկում

Երեւանի Կենտրոն վարչական շրջանի ղեկավար Արա Սադոյանի ուղիղ «քթի տակ» երեկ՝ կեսօրին, մեղմ ասած, ամոթալի վիճակ էր: Թաղապետարանին հարակից ծառերն ու խոտածածկ տարածքը ջրելու նպատակով մի կիսամաշ ռետինե խողովակ էր նետված բանուկ փողոցի մայթի բավականին անհարմար տեղում: Հուսանք՝ թաղապետը գոնե այս հրապարակումից հետո այսուհետ կարգելի աշխատակիցներին նման անփույթ վերաբերմունք դրսեւորել: