Ադրբեջանի պաշտպանության նախարարությունը խոստովանել է հերթական զինծառայողների կորուստը: Ինչպես հաղորդում է «Արմենպրես»-ը, Ադրբեջանի ՊՆ պաշտոնական կայքը հայտնել է, որ Բաքվի զինվորական հոսպիտալում ապրիլի 8-ին մահացել է ապրիլի 2-ի մարտերում ծանր վիրավորված կապիտան Սավալանով Նեջմեդին Աքիֆ օղլուն:
Ընդ որում, Ադրբեջանի ՊՆ-ը կապիտանի մահվան մասին հայտնել է Meydan TV-ի կողմից այդ մասին հրապարակումից հետո: Լեռնային Ղարաբաղի Հանրապետության զորքերի հետ շփման գծում էլ ոչնչացվել է ադրբեջանական բանակի զինծառայող Հեյդարով Ալի Ինթիգամ օղլուն, որին պետք է հուղարկավորեն մայիսի 9-ին Բաքվի մերձակա Գոբու ավանում: Ադրբեջանական որոշ աղբյուրների համաձայն` զինծառայողը սպանվել է Թառթառի հատվածում:
Ադրբեջանը մինչ այժմ սեփական հասարակությունից թաքցնում է ապրիլի սկզբին ԼՂՀ-ի դեմ սանձազերծած լայնածավալ ռազմական ագրեսիայի արդյունքում ոչնչացված զինծառայողների իրական թիվը:
.gif)
