ՀԱՐՑ. Ես համարվում եմ գործազուրկ եւ արդեն երկու տարի է՝ հաշվառված եմ զբաղվածության պետական ծառայությունում: Ուզում եմ իմանալ, թե որ դեպքում կարող է դադարեցվել գործազրկության իմ նպաստի վճարումը:
ՊԱՏԱՍԽԱՆ. Տեղեկացնում ենք, որ զբաղվածության պետական ծառայությունը դադարեցնում է գործազրկության նպաստի վճարումը, եթե.
• դադարեցվում է անձի գործազուրկի կարգավիճակը,
• գործազուրկը երկրորդ անգամ հրաժարվում է հարմար աշխատանքի տեղավորման առաջարկից,
• գործազուրկը երկու անգամ անընդմեջ զբաղվածության պետական ծառայության հրավերով նախապես տեղեկացված ժամկետում չի ներկայանում աշխատանքի տեղավորման առաջարկ ստանալու համար,
• գործազրկության նպաստի վճարումը կասեցնելիս պարզվում է, որ դրա ստացման ժամկետը լրանում է կասեցման ժամկետից ավելի շուտ կամ միաժամանակ,
• գործազուրկը հեռացվել է ուսումնական հաստատությունից մասնագիտական ուսուցման ընթացքում ներքին կարգապահական կանոնները խախտելու պատճառով,
• գործազուրկը հրաժարվում է մասնագիտական ուսուցումից հետո ձեռք բերած մասնագիտությանը համապատասխան հարմար աշխատանքից,
• օրինական ուժի մեջ է մտել գործազուրկին ազատազրկելու մասին դատարանի դատավճիռը կամ գործազուրկը դատարանի դատավճռով ուղարկվել է հարկադիր բուժման,
• գործազուրկը մահացել է:
նախարարության զբաղվածության
պետական ծառայություն
«ԺՈՂՈՎՈՒՐԴ». Շատ ցավալի է, որ մեր երկրում գործազրկությունը մեծ թափ առած աճում է՝ առաջացնելով աղքատություն, սոցիալական ծայրահեղ ծանր պայմաններ եւ արտագաղթ: Էլ չենք խոսում մարզերի ու սահմանամերձ գյուղերի մասին:
.gif)
