ԱԺ-ում խորհրդարանական լսումներին քննարկվել էին ՀՀ կառավարության կողմից օրենսդրական նախաձեռնության կարգով ներկայացված «Հասարակական կազմակերպությունների մասին» ՀՀ օրենքի նախագիծը և կից օրենսդրական փոփոխությունների փաթեթը:
ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Էլինար Վարդանյանի նշել էր, որ նախագծում դրական կետեր առկա են։ Վարդանյանը հատկապես կարևորել էր օրենքում իրականացված այն փոփոխությունը, որը ՀԿ-ներին հնարավորություն է ընձեռում ձեռնարկատիրական գործունեությամբ զբաղվել:
Այս առնչությամբ ArmaLur.am-ը զրուցեց «Զինվոր» հասարակական կազմակերպությունների համակարգող խորհրդի նախագահ Մարգարիտա Խաչատրյանի հետ: Վերջինս մեզ հետ զրույցում նշեց. « Աստված տա, որ Էլինարի առաջարկածը հիմնավորվի և իսկապես ֆինանսավորվեն բոլոր հասարակական կազմակերպությունները»:
Մարգարիտա Խաչատրյանի խոսքով՝ պետք է ֆինանասավորում ստանան այն հասարակական կազմակերպությունները, որոնք իսկապես իրենց բուն նպատակին են ծառայում:
.gif)
