Կալանավորը ահազանգում է ինքնասպանության կդիմի. ինչ է կատարվում «Արմավիր» ՔԿՀ-ում

ՀԵՏԵՎԵՔ ՄԵԶ Telegram-ՈՒՄ

Ժողովուրդ օրաթերթի խմբագրություն է ահազանգել «Արմավիր»քրեակատարողական հիմնարկի  կալանավոր Համլետ Ռաֆիկի Ղազարյանը եւ լացակումած ներկայացրել , որ 8 ամիս է , ինչ ահազանգում է, խնդրում է ՝ օգնեն իրեն : Մասնավորապես, վերջինս հայտնեց .

«8 ամիս է գոռում-գոչում եմ, որ առողջական խնդիրներ ունեմ, է այդ մասին բարձրաձայնում եմ քրեակատորաղական հիմնարկի ղեկավարությանը: Անգամ մարտի 24-ին, այլ ելք չունենալով, ինքնավնասման գնացի՝ երակներս կտրեցի , բայց ոչ մեկ բանի տեղ չդրեց : Խնդրում եմ օգնեք, դիմում եմ գրել քրեակատարողական հիմնարկի ղեկավարությանը, եթե ականջալուր չլինեն իմ առողջական վիճակին, ինքնասպանության կդիմեմ : Ոչ մի ձեւ իմ դիմումին չեն արձագանքում։ Խնդրում եմ, մարդ եմ , հիվանդ եմ , շատ առողջական խնդիրներ ունեմ» :

Ի դեմ մեզ հայտնի դարձավ, որ անգամ ամիսներ առաջ Համլետ Ղազարյանին տարել են քաղաքացիական հիվանդանոց, սակայն բժշկի ցուցումը չի եղել եւ նրան լյարդի վիրահատության չեն ենթարկել :

Ինչեւէ պատրաստ ենք հրապարակել նաեւ «Քրեակատարողական բժշկության կենտրոն» ՊՈԱԿ-ի մեկնաբանությունը կալանավորի բարձարաձայնած խնդիրների մասով: Հավելելնք, որ Համլետ Ղազարյանը կալանավորվել է խարդախության համար հարուցված քրեական գործի շրջանակներում։

Քնար Մանուկյան




Լրահոս