Armlur.am-ի տեղեկություններով, ՀՀ ոստիկանության ներսում կադրային լուրջ փոփոխություններ են տեղի ունենում։ Մենք տեղեկացանք, որ աշխատանքից ազատվել են բարձրաստիճան պաշտոնյաներ, պետեր և այդ գործընթացը շարունակվում է։ Խոսքը բարձրաստիճան ոստիկանների մասին է, որոնք ազատվել են իրենց պաշտոններից, այդ թվում՝ Երեւանի ոստիկանապետը:
Արմեն Գասպարյանի փոխարեն Երևանի ոստիկանապետ է նշանակվել ոստիկանության գնդապետ Սևան Քոչարյանը, ով ՀՀ ոստիկանապետի մեկ այլ հրամանով ազատվել է ոստիկանության Կոտայքի մարզային վարչության պետի պաշտոնից: մեկ այլ հրամանով ոստիկանության գնդապետ Արթուր Զոհրաբյանը նշանակվել է ոստիկանության Կոտայքի մարզային վարչութան պետ:
Մեկնաբանության համար դիմեցինք ՀՀ ոստիկանության լրատվության վարչության պետ Աշոտ Ահարոնյանին, սակայն նա մեր հարցերին չպատասխանեց: Հավելենք սակայն, որ մեծ թվով ազատումներ են եղել այս գիշեր և առաջիկայում այլ փոփոխություններ ևս կլինեն:
.gif)
