Armlur.am-ի տեղեկությունների համաձայն, արդեն որոշված է, որ «Բարգավաճ Հայաստան» կուսակցության նախընտրական շտաբը ղեկավարելու է ԱԺ ԲՀԿ խմբակցության պատգամավոր Վարդան Վարդանյանը: Ըստ մեր տեղեկությունների, այս պահին ԲՀԿ առաջնորդ Գագիկ Ծառուկյանը ու մի քանի ԲՀԿ-ականներ Վարդան Վարդանյանի գլխավորությամբ ԲՀԿ-ի նախընտրական ցուցակն են գրում: Լավատեղյակ աղբյուրները փոխանցում են, որ ԲՀԿ առաջնորդ Գագիկ Ծառուկյանը շատ գաղտնի է պահում այն անուննեը, որոնք պետք է ընդգրկված լինեն ԲՀԿ նախընտրական ցուցակում:
ԲՀԿ-ում եւս սրտատրոփ սպասում են, թե երբ արդեն Ծառուկյանը կներկայացնի իրենց ցուցակը, որից պարզ կդառնա, թե ովքեր են մասնակցելու հունիսի 20-ին կայանալիք ԱԺ արտահերթ ընտրություններին: Ըստ մեր տեղեկությունների, մինչեւ երեկո ցուցակը պատրաստ կլինի, որը մենք կփորձենք կներկայացնել:
Հիշեցնենք, որ ԲՀԿ ցուցակը գլխավորելու է Գագիկ Ծառուկյանը, հաջորդը՝ պատգամավոր Միքայել Մելքումյանն է, իսկ առաջին կինը ԲՀԿ առաջնորդի մամուլի պատասխանու, պատգամավոր Իվետա Տոնոյանն է:
Սոնա Գրիգորյան
.gif)
