Այսօր մամուլում տեղեկություն տարածվեց, որ հայ առաքելական եկեղեցին նոր վեճի առաջ է կանգնել Սփյուռքում։ Բանն այն է, որ Երուսաղեմի Հայոց պատրիարքարանում հասունացել է մի նոր խնդիր: Ըստ մամուլում հրապարակված տեղեկության ՝ խոսքը մի հողակտորի մասին է, որը վերջերս պատրիարքարանը վարձակալության է տվել Ավստրալիայից ժամանած հրեա գործարարի: Թեև շրջանառվող տեղեկատվությամբ՝ վարձակալության ժամկետը նշված է 99 տարի, որ վարձակալությունն իրականում 98 տարով է: Նման երկարաժամկետ վարձակալությունը շատերին ստիպում է ենթադրել, որ պատրիարքարանը երբեք չի վերստանալու այդ կալվածքը, եւ բացի այդ ավստրալացի գործարարը նախատեսում է այդ կալվածքի վրա կառուցել յոթ աստղանի շքեղ հյուրանոց, և հյուրանոցի տարեկան եկամտի մի մասը փոխանցվելու է պատրիարքարանին:
ArmLur.am-ը վերոհիշյալ աղմկալի բացահայտման շուրջ փորձեց մեկնաբանություն ստանալ նաեւ Մայր Աթոռից, սակայն մեզ հետ զրույցում Մայր Աթոռի տեղեկատվական համակարգի տնօրեն տեր Վահրամ քահանա Մելիքյանը մեր հարցման ի պատասխան հակիրճ նշեց. «Պատրիարքարանն ինքնուրույն է նման հարցերը տնօրինում։ Հետևաբար, պետք է իրենցից պարզաբանում ստանալ: Հորդորում ենք դիմել պատրիարքարանին»:
Լիդա Եղիազարյան
.gif)
