ՏԵՍԱՆՅՈՒԹ. Նախկին նախարարի ու ԳՇ պետի գործով փաստաբան Երեմ Սարգսյանն ուշագրավ մանրամասներ է հայտնում

Ինչպես հայտնի է, ՀՀ պաշտպանության նախկին նախարար Դավիթ Տոնոյանի, ՀՀ ԶՈՒ ԳՇ պետ Արտակ Դավթյանի, ԶՈՒ ԳՇ պետի նախկին տեղակալ Ստեփան Գալստյանի, զենքի մատակարարմամբ զբաղվող գործարար Դավիթ Գալստյանի՝ «Պատրոն Դավո»-յի եւ մյուսների վերաբերյալ քրեական գործը մակագրվել է Երեւանի ընդհանուր իրավասության դատարանի դատավոր Մանվել Շահվերդյանին եւ այսօր Երևան քաղաքի ընդհանուր իրավասությա դատարանում այս գործով առաջին դատական նիստն է լինելու, որտեղ մեղադրյալների պաշտպանները միջնորդելու են նրանց խափանման միջոց կալանքը փոփոխել: Ու մինչ նիստը սկսելը, լրագրողներին արգելեցին մտնել նիստերի դահլիճ՝ հայտնելով, որ քննում են դատական նիստերը փակ կամ բաց անցկացնելու հարցը:

Ավելի ուշ դատարանը որոշեց նիստերը անցկացնել դռնփակ: Գործով կալանավորված Ավետիք Մուրադյանի պաշտպան Երեմ Սարգսյանը մանրամասներ ներկայացրեց, թե ինչ միտում է տեսնում:

Նշենք, որ Ազգային անվտանգության ծառայությունում քննվող գործը, ըստ այս կառույցի տարածած հաղորդագրության, վերաբերում է Զինված ուժերի կարիքների համար ռազմամթերքի մատակարարման գործընթացում ենթադրյալ չարաշահումներ և առանձնապես խոշոր չափերով հափշտակություններ կատարելու դեպքերին, մասնավորապես` ՊՆ-ի կողմից անպիտան հրթիռներ գնելուն:

Մանրամասները՝ տեսանյութում

Քնար Մանուկյան, Հովսեփ Հովսեփյան