Մոսկվայի Տվերսկոյի դատարանը Ռուսաստանում արգելել է Facebook և Instagram սոցիալական ցանցերի աշխատանքը ծայրահեղականության պատճառով։ РИА Новости-ի փոխանցմամբ՝ այս մասին նիստերի դահլիճից հայտնել է գործակալության թղթակիցը։
Ընդգծվում է, որ որոշումը պետք է անհապաղ կատարվի։
Ծառայությունների սեփականատեր Meta ընկերությունը ծայրահեղական ճանաչելու մասին հայցը ներկայացրել էր գլխավոր դատախազությունը։ Վերահսկող մարմինը բացատրել է, որ իրենք մտադիր են պաշտպանել ռուսներին իրենց իրավունքների հետագա խախտումներից։ Այսպես, Instagram-ն անտեսել է ավելի քան 4500 պահանջ՝ ջնջելու Ուկրաինայում ռուսական զորքերի հատուկ գործողության մասին կեղծիքները և չարտոնված հանրահավաքների կոչերը: Ըստ դատախազների՝ ծայրահեղական տեղեկատվությունը սպառնում է ինչպես անհատներին, այնպես էլ ամբողջ հասարակությանը, իսկ ընկերությունը խախտել է իր սեփական կանոնները՝ թույլ տալով հրապարակել ռուս զինվորականներին սպանելու մասին կոչերը։
.gif)
