Հուլիսի 11-ին՝ ժամը 22:03-ին, «911» ճգնաժամային կառավարման կենտրոն ահազանգ է ստացվել, որ Ասկերանի շրջանի Սարուշեն համայնքի տարածքում ավտոմեքենա է այրվում, անհրաժեշտ է փրկարարների օգնությունը:
Այս մասին հայտնում են ԼՂ ԱԻ պետական ծառայությունից:
Հրդեհը մարելու և բնակչության անվտանգությունն ապահովելու նպատակով դեպքի վայր են մեկնել Սարուշենի հրշեջ-փրկարարական ջոկի ծառայողները:
Ժամը 22:44-ին կրակն ամբողջությամբ մարված է եղել: Մասնակիորեն այրվել է Սարուշեն համայնքի բնակիչ Վ. Ա.-ին պատկանող «ԿամԱԶ» մակնիշի ավտոմեքենայի խցիկը:
Դեպքի առթիվ ստուգումներ է իրականացնում ծառայության պետական հրդեհային և տեխնիկական անվտանգության տեսչությունը:
.gif)
