Հնդկաստանի պահուստային բանկը Մեծ Բրիտանիայի պահեստարաններից 100,3 տոննա ոսկի է վերադարձրել Հնդկաստան, գրում է The Times of India-ն։
Առաջիկա ամիսներին Կենտրոնական բանկը կարող է երկիր վերադարձնել թանկարժեք մետաղի ևս մեկ նմանատիպ ծավալ, հաղորդում է հրատարակությունը՝ վկայակոչելով իրազեկ աղբյուրներին։ Դա արվում է լոգիստիկ նկատառումներով և պահեստավորման վայրերը դիվերսիֆիկացնելու նպատակով, ասել են աղբյուրները:
Մարտի վերջի դրությամբ Հնդկաստանի Կենտրոնական բանկին էր պատկանում 822,1 տոննա ոսկի, որից 413,8 տոննան պահվում էր արտասահմանում։
Հնդկաստանում Կենտրոնական բանկի ոսկին պահվում է Մումբայում և Նագպուրում գտնվող կարգավորող մարմնի շենքում:
.gif)
