Իսրայելի հետ առևտուրը դադարեցնելու Թուրքիայի որոշումը ուժի մեջ կմնա մինչև Գազայի հատվածում մշտական հրադադարի հաստատումը։ Այս մասին հայտարարել է հանրապետության առևտրի նախարարության ղեկավար Օմեր Բոլատը։
«Երբ մենք որոշեցինք ամբողջությամբ դադարեցնել առևտուրը Իսրայելի հետ մայիսի 2-ից, մենք ընդգծեցինք, որ մեր նպատակն է, որ Իսրայելը հնարավորինս շուտ համաձայնի մշտական և անհապաղ զինադադարի։ Քանի դեռ մենք դա չենք տեսել, Իսրայելի հետ առևտուրը դադարեցնելու մեր որոշումը կմնա ուժի մեջ»,- մեջբերում է նախարարի խոսքերը 24TV-ն:
Միաժամանակ, նրա խոսքով, Պաղեստինի հետ առևտուրը շարունակվում է։
«Մենք անում ենք հնարավոր ամեն բան, որպեսզի պաղեստինյան տնտեսությունը նվազագույն կորուստներ կրի»,- ասել է Բոլատը Պաղեստինի էկոնոմիկայի նախարար Մուհամեդ ալ-Ամուրի հետ հանդիպումից հետո։
.gif)
