ՏԵՍԱՆՅՈՒԹ․ Մեր եկեղեցին սրբապիղծ մարդկանցից ազատելը պարտք է. Գևորգ Պապոյան

Հովհաննավանքում Ստեփան Ասատրյանի՝ կարգալույծ Տեր Արամի մատուցած պատարագին էր մասնակցում նաև Էկոնոմիկայի նախարար Գևորգ Պապոյանը։ «Մեր եկեղեցին սրբապիղծ մարդկանցից ազատելը պարտք է»․- նշեց Գևորգ Պապոյանը։

Նշենք, որ պատարագը սկսվեց ժամը 11։00-ին՝ Նիկոլ Փաշինյանի ժամանումից անմիջապես հետո։ Փաշինյանին ինչպես վանքի բակում, այնպես էլ վանքի ներսում դիմավորեցին ծափողջյուններով։

Հիշեցնենք, որ Ստեփան Ասատրյանին ամբողջովին իր աջակցությունն է հայտնել Նիկոլ Փաշինյանը։

Նշենք, որ Արագածոտն թեմի 22 հոգևորականներին այսօր հրավիրել են Քննչական կոմիտե՝ հարցաքննության, այդ թվում Սուրբ Հովհաննավանք հոգևոր ծառայության կարգված Տեր Մանուկը և Տեր Սարգիսը։
Արագածոտնի թեմը հանդես է եկել հայտարարությամբ, նշել, որ ամեն կիրակի գործող եկեղեցիներում մշտապես մատուցվել է Սուրբ և Անմահ Պատարագ, ուստի կիրակի օրով հոգևորականները չեն կարող ներկայանալ Քննչական կոմիտե։

ArmLur.am-ն այս պահին գտնվում է Արագածոտնի մարզի Օհանավան համայնքի Սուրբ Հովհաննավանքում։ Հետևեք մեզ՝ զարգացող իրադարձություններին տեղեկանալու համար։

Էմմա Միքայելյան, Հովսեփ Հոսվեփյան

Մանրամասները՝ տեսանյութում․