ԱՄՆ զինված ուժերը պատրաստ չեն Արկտիկայում գործողությունների

Ամերիկյան զինվորականները չեն կարողանում ինքնուրույն ապահովել Արկտիկայում անվտանգությունը, քանի որ ավելի քիչ են պատրաստ կոշտ, ցուրտ պայմաններում գործողություններին, քան ՆԱՏՕ-ի հյուսիսային Եվրոպայի անդամ երկրները, հաղորդում է բրիտանական The Times թերթը՝ հղում անելով իր աղբյուրին։

Նրա խոսքով՝ ԱՄՆ ներկայացուցիչները զգալի դժվարությունների են հանդիպել ՆԱՏՕ-ի համատեղ «Վիկինգ» զորավարժությունների ժամանակ, որոնք տեղի են ունեցել Նորվեգիայի հյուսիսում 2025 թվականի մարտին։ Հրատարակության տվյալներով՝ զորավարժությունների կազմակերպիչները խնդրել են ֆինն պահեստազորայիններին, որոնք զորավարժությունների ժամանակ թշնամու դեր էին խաղում, ենթարկվել ամերիկացիներին։

«Ֆիններին ասվել էր դադարեցնել ամերիկացիներին ծեծելը, քանի որ դա նվաստացուցիչ էր և բարոյալքող ազդեցություն ուներ նրանց վրա», – ասել է թերթի աղբյուրը։

Աղբյուրը նաև նշել է, որ Միացյալ Նահանգները կախված է Ֆինլանդիայից սառցահատների կառուցման հարցում։