Իրանի ԱԳ նախարարությունը հերքել է Պակիստանում ԱՄՆ-ի հետ բանակցություններին մասնակցության մասին տեղեկությունները

Իսլամաբադում ԱՄՆ-ի հետ բանակցություններ չեն եղել, հայտարարել է Իրանի արտաքին գործերի նախարարության խոսնակ Իսմայիլ Բաղային։

«Պակիստանում հանդիպումը տարածաշրջանային երկրների հետ բանակցությունների համար նրանց ստեղծած շրջանակն է։ Մենք չենք մասնակցել։ Նախորդ փուլից ի վեր ԱՄՆ-ի հետ ուղղակի բանակցություններ չեն եղել։ Քննարկվում են մի շարք միջնորդներից, այդ թվում՝ Պակիստանից ստացված հաղորդագրությունները, որոնք արտահայտում են ԱՄՆ-ի ցանկությունն ու խնդրանքը՝ բանակցություններ վարելու համար», – ասել է Բաղային, որի խոսքերը հրապարակվել են Իրանի կառավարության լրատվական պորտալի կողմից։