Թերթի տեղեկություններով, Մալաթիա-Սեբաստիա շրջանի նախկին թաղապետ Վահան Զատիկյանի որդու՝ Սեդրակ Զատիկյանի սպանության կասկածանքով վերջերս ձերբակալված Ստեփան Հակոբյանի (Լեդի Հակոբի եղբորորդին) բնակարանը խուզարկելիս հայտնաբերված զենքերի թվում է եղել նաև նախկին վարչապետ, լուսահոգի Անդրանիկ Մարգարյանի նվիրած զենքը։ Այն “”Բերետա”” տեսակի ատրճանակ է, որն Անդրանիկ Մարգարյանը նվիրել է 2002 թվականին։ Հիշեցնենք, որ Ստեփան Հակոբյանը հետախուզվում էր դեռևս 2007 թվականից։ Ուշագրավն այն է, որ հետախուզվելուց հետո էլ իրավապահ մարմինները չեն փորձել խուզարկել սպանության մեջ կասկածվողի բնակարանը և առգրավել զենքերը, առավել ևս, որ դրանք հաշվառված զենքեր են, և դրանց մասին տեղյակ են եղել։ Հիշեցնենք, որ Ստեփան Հակոբյանի տնից հայտնաբերվել էր նաև թմրանյութ, ինչին «Հրապարակն» արդեն անդրադարձել է։
.gif)
