Հռիփսիմե Գրիգորյանը Փարիզ կմեկնի․ ինչ նպատակով է գործուղվում ՔՊ-ական պատգամավորը

Ազգային ժողովի «Քաղաքացիական պայմանագիր» խմբակցության պատգամավոր, ԵԽԽՎ-ում ՀՀ ԱԺ պատվիրակության անդամ Հռիփսիմե Գրիգորյանը նոյեմբերի վերջին գործուղման կմեկնի Ֆրանսիա։

ArmLur.am-ը տեղեկացավ, որ ԱԺ նախագահ Ռուբեն Ռուբինյանի՝ նոյեմբերի 11-ի կարգադրությամբ Հռիփսիմե Գրիգորյանը 2026 թվականի նոյեմբերի 29-ից դեկտեմբերի 1-ը ներառյալ գործուղվելու է Փարիզ։

Գործուղման նպատակը Եվրոպայի խորհրդի խորհրդարանական վեհաժողովի (ԵԽԽՎ) իրավահավասարության և խտրականության դեմ պայքարի հարցերի հանձնաժողովի նիստին մասնակցելն է։

Հատկանշական է, որ պատգամավորի գործուղման հետ կապված ճանապարհածախսը, օրապահիկը և գիշերավարձը հատուցվելու են Հայաստանի Հանրապետության 2026 թվականի պետական բյուջեից՝ Ազգային ժողովին այդ նպատակով հատկացված միջոցների հաշվին։

Գիշերավարձի վճարումը կատարվելու է ըստ փաստացի կատարված ծախսերը հավաստող փաստաթղթերի։

Անի Վարդանյան