Միխայել Շումախերը դուրս է եկել կոմայից (ֆոտո)

Formula 1-ի ավտոարշավորդ Միխայել Շումախերը դուրս է եկել կոմայից. հայտնում է Bild-ը՝ հղում անելով մարզիկի մենեջեր Սաբինա Կեմին:

Շումախերի ներկայացուցիչը հայտնել է, որ աշխարհի 7-ակի չեմպիոնն ալյևս կոմայի մեջ չէ և Գրենոբլի հիվանդանոցից տեղափոխվել է վերականգնողական կլինիկա: Նա արդեն սկսել է արձագանքել ձայներին ու հպումներին:

Հիշեցնենք, որ Միխայել Շումախերը կոմայի մեջ էր ընկել 2013թ. վերջին՝ ֆրանսիական Ալպերում դժբախտ պատահարից հետո, երբ վայր էր ընկել դահուկներով սահելիս: Դրանից հետո նա գիտակցության չէր եկել և մի քանի անգամ ենթարկվել էր վիրահատության: