ԱԺ աշխատակազմի նորանշանակ ղեկավար Հրայր Թովմասյանն իր նոր աշխատանքին անցնելուն պես ձեռնամուխ է եղել մի շարք փոփոխությունների:
Դրանցից ամենաառանձնահատուկը խորհրդարանում ապագայում տիրող «դրես-կոդն» է: Թովմասյանը ցանկանում է այս փոփոխությունը սկսել առաջին հերթին խորհրդարանի աշխատանքները լուսաբանող լրագրողներից և նոր միայն անցնել խորհրդարանի աշխատակազմին:
Armlur.am-ն այս անգամ Ազգային ժողովի աշխատանքները լուսաբանող լրագրողներից հետաքրքրվեց, թե ինչ են պատրաստվում անել, եթե խորհրդարան մուտք գործելու համար սահմանվի «դրես-կոդ»: Հարցման գրեթե բոլոր մասնակիցներն էլ կողմ էին պատշաճ հագուկապին, բայց միայն այն դեպքում, երբ դա առաջին հերթին տարածվի պատգամավորների որոշ օգնականների վրա: Լրագրողների մի մասն էլ պատրաստ է իրենց ոչ դուրեկան ստանդարտների դեպքում բոյկոտել որոշումը:
«Դրես-կոդի» վերաբերյալ իրենց դիրքորոշումը հայտնեցին նաև մի քանի պատգամավորներ:
Հ.Գ. Աշխատակազմի ղեկավար Հրայր Թովմասյանը դեռևս չի ցանկանում պարզաբանել որոշ մանրամասներ, սակայն նախատեսվում է, որ առաջիկայում Թովմասյանը ժողովի տեսքով հավաք կանցկացնի լրագրողների հետ, որի ընթացքում էլ կներկայացնի ԱԺ մուտք գործելու պայմանները:
Նաիրա Հովհաննիսյան, Աշոտ Գաբրիելյան, Տիգրան Սարգսյան
.gif)
