Երեւանի քաղաքապետ Տարոն Մարգարյանը մասնակցել է Երեւանի կենդանաբանական այգու տարեշրջանի բացմանը: Փոքրիկ կենդանասերների համար տոնական բարձր տրամադրությունն ու ուրախ մթնոլորտն ապահովված էր: Կենդանաբանական այգու տարեշրջանի բացման կապակցությամբ, քաղաքապետ Տարոն Մարգարյանի հանձնարարությամբ մանուկների մուտքն անվճար է:Այգու տարբեր հատվածներում փոքրիկ այցելուների համար կազմակերպվել էին բազմաբնույթ միջոցառումներ:Տարոն Մարգարյանը այգու տնօրենի եւ փոքրիկ կենդանասերների ուղեկցությամբ շրջել է այգում, ծանոթացել կենդանիների համար ստեղծված պայմաններին: Այգու տնօրենը քաղաքապետին զեկուցել է, որ նախորդ տարվա ընթացքում նախանշված աշխատանքներն հիմնականում կատարված են եւ բոլոր այն պահանջները, որոնք առաջադրվել են քաղաքապետարանի կողմից, հետզհետե կյանքի են կոչվում: Շրջայցից հետո զրուցելով լրագրողների հետ, քաղաքապետ Տարոն Մարգարյանը նախ շնորհավորել է բոլորին կենդանաբանական այգու տարեշրջանի բացման կապակցությամբ եւ ընդգծել, որ այգու զարգացման ծրագրերը լինելու են շարունակական. ,Մենք համագործակցում ենք միջազգային տարբեր կազմակերպությունների, այդ թվում նաեւ այն ընկերությունների հետ, որոնք հետաքրքրված են կենդանաբանական այգով: Ունենք նախնական նախագծեր, որոնք կարճ ժամանակում կյանքի կկոչենք եւ այգին կհամապատասխանի միջազգային չափանիշներին: Դրական տեղաշարժն արդեն իսկ ակնհայտ է եւ անելու ենք հնարավորը, որ այգու յուրաքանչյուր այցելուի համար տոնական տրամադրությունն ու հարմարավետությունը ապահովված լինի ամեն օրե,-ընդգծել է Տարոն Մարգարյանը:
Որպես տարվա կարեւոր ձեռքբերում, այգու տնօրեն Ռուբեն Խաչատրյանն էլ առանձնացրել է քաղաքապետ Տարոն Մարգարյանի հանձնարարությամբ իրականացված կենդանաբանական այգու գազիֆիկացումը: ,Երեւանի քաղաքապետի աջակցությամբ մենք կարողացանք ամբողջությամբ լուծել Կենդանաբանական այգու ազատավանդակների ջեռուցման խնդիրը: Ավելի քան 70 տարի զրկված լինելով նման հնարավորությունից, արդեն այս տարի ձմռանը կենդանիներն ամբողջությամբ ապահովված կլինեն ջեռուցմամբ: Քաղաքապետարանի ծրագրով այգում նաեւ բարեկարգման, ազատավանդակների վերակառուցման ու ընդլայնման աշխատանքներ են տարվելե,- նշել է այգու տնօրենը:Տարոն Մարգարյանը զրուցել է նաեւ այցելուների հետ, լսել նրանց կարծիքները: Բնակիչներն իրենց գոհունակությունն ու շնորհակալությունն են հայտնել քաղաքապետին` այգում եւ, առհասարակ, ամբողջ մայրաքաղաքում նկատվող զգալի փոփոխությունների համար:
.gif)
