Բաքվում հարձակում է իրականացվել իրավապաշտպան ու փաստաբան Գյունայ Իսմայլովայի վրա: Ինչպես հայտնում է ադրբեջանական Turan գործակալությունը, հարձակումն իրականացվել է «Նեֆտչիլյար» մետրոպոլիտենի կայարանի մոտ գտնվող բազմահարկանի շենքի շքամուտքում, որտեղ ապրում է Իսմայլովան:
Վերջինիս խոսքերով՝ երբ նա մտել է շքամուտք, իրեն հետապնդած 28-30 տարեկան տղամարդը բռնել է իր կոկորդից ու փորձել մարմնական վնասվածքներ հասցնել:
Կատարվածի մասին Իսմայլովան տեղեկացրել է ՆԳՆ «102» հերթապահ ծառայությանը:
Գյունայ Իսմայլովան եղել է Լրագրողների ազատության ու անվտանգության ինստիտուտի փոխտնօրենը: Սակայն ինստիտուտի գրասենյակը փակվել է այնտեղ դատախազության աշխատակիցների կողմից անցակցված խուզարկությունից հետո: Իսմայլովան դատարանում պաշտպանել է Լրագրողների ազատության ու անվտանգության ինստիտուտի շահերը:
.gif)
