ՃՏՊ` Արջուտ գյուղում. ավտոմեքենան սահել է ձորը

Փետրվարի 10-ին, ժամը 23.47-ին ահազանգ է ստացվել, որ Լոռու մարզի Արջուտ գյուղի մոտակայքում տեղի է ունեցել ՃՏՊ. ավտոմեքնենան դուրս է եկել ավտոճանապարհի երթևեկելի հատվածից և սահել ձորը, տուժածներ չկան. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Մ-3 միջպետական ավտոճանապարհի Վանաձոր-Երևան հատվածի 3 կմ-ում «ՎԱԶ 21-07» մակնիշի 34 SO 515 պ/հ ավտոմեքենան (վարորդ` Ռ. Կ., ծնվ. 1980թ) դուրս է եկել ճանապարհի երթևեկելի հատվածից և մոտ 20մ գլորվելով` հայտնվել ձորակում:

Մինչ հրշեջ-փրկարարների կանչի վայր հասնելը` վարորդը ինքնուրյուն դուրս է եկել ավտոմեքենայից:

Հրշեջ-փրկարարները դադարեցրել են գազի արտահոսքը: