ՀՀ վարչապետ Հովիկ Աբրահամյանը կառավարական պատվիրակությամբ օրեր առաջ երկօրյա աշխատանքային այցով մեկնել էր Ռուսաստանի Դաշնության մայրաքաղաք` Մոսկվա: Վարչապետը փետրվարի 6-ին մասնակցել էր Եվրասիական միջկառավարական խորհրդի նիստին, ինչպես նաև առանձնազրույց ունեցել ՌԴ վարչապետ Դմիտրի Մեդվեդևի հետ:
Armlur.am-ը տեղեկանում է, որ այդ այցը պետբյուջեի վրա բավական թանկ է արժեցել: ՀՀ կառավարության աշխատակազմի և «Ավիաուսումնական կենտրոն» ՓԲԸ-ի հետ պայմանագիր կնքվել է փետրվարի 3-ին:
Ըստ այդ պայմանագրի, փետրվարի 5-ին Երևան-Մոսկվա և փետրվարի 7-ին Մոսկվա-Երևան ուղղություններով A319 մոդելի ինքնաթիռով 4 ժամ 50 րոպե թռիչք կատարելը պետբյուջեի վրա արժեցել է 25 մլն 800 հազար դրամ:
Հիշեցնենք, որ Մոսկվա այցի ժամանակ վարչապետը «պատահաբար» հանդիպել էր ՀՀ երկրորդ նախագահ Ռոբերտ Քոչարյանին:
.gif)
