Վրաստանի սահմանային ծառայությունն ու ԱՄՆ ռազմական սպառնալիքների կրճատման հարցով գործակալությունը համաձայնագիր են ստորագրել՝ սահմանների ամրապնդման համար Վրաստանին 10 մլն դոլար հատկացնելու մասին: Այս մասին հայտնել է Վրաստանի ՆԳՆ-ն, գրում է BBC-ն:
Առաջին հերթին կամրապնդվի հայ-վրացական սահմանը: «Մինչև 2017թ. մարտը հայ-վրացական սահմանն ամբողջությամբ կհամալրվի վերահսկողության և տեխնիկական միջոցներով»,-ասվում է Վրաստանի ՆԳՆ հայտարարության մեջ:
Համաձայնագիրը ստորագրվել է ամերիկական գերատեսչության պատվիրակության՝ Վրաստան այցի ժամանակ: Համաձայնագիրը ենթադրում է նաև «Քասումլո» և «Քեդա» սահմանային հատվածների ամրապնդում, որոնք գտնվում են Թուրքիայի հետ սահմանից ոչ հեռու:
Ավելի վաղ Թուրքիայի դեմ մեղադրանքներ են հնչել այն մասին, որ նրա սահմանի միջոցով հյուսիս են ներթափանցում «Իսլամական պետության» գրոհայինները:
Թարգմանիչ՝ Քրիստինե Պողոսյան
.gif)
