«Թող խոսեն համերգից, թող խոսեն, թե ինչ լավ բան եմ արել, որ պատմություն եմ արել, երգել եմ մեր վերջին հարյուրամյակների մասին, դրանց մասին թող խոսեն, հերիք է գումարների մասին խոսեն»:

Բայց ինչո՞ւ չպետք է խոսեն, երբ այդ գումարներն իրոք փոշիացվել են, երբ կառավարության պահուստային ֆոնդից Նունե Եսայանի համերգի համար հատկացվել է մոտ 55 մլն դրամ, այնինչ այդ գումարով Նունե Եսայանին էլ ավելի հարստացնելու փոխարեն կարելի էր շատ ավելի լուրջ եւ կենսական անհրաժեշտություն ունեցող հարցեր լուծել ժողովրդի համար: Մի՞թե իրավունք ունի իրեն նման ճոխություն թույլ տալ մի կառավարություն, որի երկրի ժողովուրդը թաղված է սոցիալական խնդիրների մեջ: Եվ ինչո՞ւ պետք է հիմա այդ մասին չխոսվի, որովհետեւ Նունե Եսայանին ձեռնտո՞ւ չէ: Ո՞րն է նրա արած լավ բանը: