«Հայաստանում կենսաթոշակային համակարգը կյանքի ապահովագրության համար ուղի կհարթի»:

Իսկ ոչի՞նչ, որ այսօր Հայաստանում մարդիկ ավելի շատ կուզեին` ուղի հարթվեր ապրելու համար, որպեսզի ստիպված չլինեին փախչել երկրից: Իսկ ի՞նչ է լինելու նոր համակարգի ներդրման արդյունքում. մարդկանց առանց այն էլ ողորմելի աշխատավարձը 5 տոկոսով էլ է կրճատվելու, ինչ է թե որոշ ԿԲ փոխնախագահի նման պաշտոնյաներ հավաստիացնում են, թե հետագայում լավ կլինի: Եթե ներկան արդեն վտանգված է, ի՞նչ հետագայի մասին կարող է խոսք լինել: Կենսաթոշակների մասին մտածելու համար պետք է թողնել, որ մարդիկ նախ իրենց այսօրվա վրա վստահ լինեն եւ հետո մինչեւ կենսաթոշակի տարիքը հասնելը մնան Հայաստանում: