Քիչ առաջ «Ոտքի՛, Հայաստա´ն» նախաձեռնության անդամ Անդրիաս Ղուկասյանի կինը՝ Անահիտ Թարխանյանը, ArmLur.am-ի հետ զրույցում ասաց, որ ամուսնուն տեղափոխել են «Նուբարաշեն» քրեակատարողական հիմնարկի բուժմաս` հացադուլից դուրս գալուց հետո ստուգումներ անցկացնելու համար:
Տեղեկությունը ArmLur.am-ի հետ զրույցում հաստատեցին նաև ՀՀ ԱՆ քրեակատարողական վարչությունից` նշելով, որ վերականգնողական աշխատանքներ են, և որևէ լուրջ խնդիր չկա:
Հիշեցնենք, որ ԱՆդրիաս Ղուկասյանը մոտ մեկ ամիս հացադուլի մեջ է եղել` ի նշան բողոքի: Նա մեղադրվում է զանգվածային անկարգություններ հրահրելու մեջ:
Նրա աջակիցները սեպտեմբերի 8-ին Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դիմաց, որտեղ կքննարկվի Անդրիասի պաշտպանների կողմից ներկայացված գրավի դիմաց ազատ արձակելու միջնորդությունը, կանցկացնեն բողքոի ակցիա՝ ընդդեմ Ղուկասյանի ապօրինի կալանավորման:
.gif)
