Վաղը Մոսկվայում կայանալու է ԵԱՀԿ Մինսկի խմբի համանախագահների խորհրդակցություն: Այս առնչությամբ ArmLur.am-ը զրուցել է քաղաքագետ Ստեփան Սաֆարյանի հետ: Վերջինս մեզ հետ զրույցում նշեց, որ այս հանդիպումն ըստ էության պետք է պատասխան տա անցած ամիսներին մի քանի խոշոր հարցերի, ի վերջո, որ պայմանավորվածություններն են իրականացվում:
«Վիեննայի պայմանավորվածությունները, որոնք պատերազմները կանխելու և վստահության ամրապնդման քայլեր սկսելու մասին են, թե Սանկտ-Պետերբուրգյան հանդիպումները, որտեղ Ռուսաստանը ստվերային բանակցություներ էր տանում կողմերի հետ»,- ասաց Ստեփան Սաֆարյանը:
Ըստ քաղաքագետի՝ նկատելի է, որ վերջին շրջանում հատկապես Կրեմլին մոտ կանգնած քաղաքագետները մտահոգություն են հայտնում, որ գործընթացը փակուղում է:
«Ռուսաստանը փորձագետի շուրթերով փոձում է օրակարգ մտցնել ԵԱՀԿ խմբի պիտանելիության հարցը: Միացյալ Նահանգները և ֆրանսիան հասկանում են, որ սա մի բան է, որի հարցում Ադրբեջանը և Ռուսաստանն ունեն ընդհանուր շահեր»,-ընդգծեց նա:
Մեր զրուցակցի փոխանցմամբ՝ Սարատվի շուրթերով հրապարակ է նետվում մի գաղափար, որն ընդամենը փորձ է սեպտեմբերի 8-ի հանդիպման օրակարգում նաև այդպիսի խնդիր դնելու համար:
Լիդա Եղիազարյան
.gif)
