Ապրիլյան պատերազմից անցել է երկու տարի․ ինչ փոփոխություններ արվեցին

Այսօր՝ ապրիլի 2-ին, լրանում է քառօրյա պատերազմի երկրորդ տարին:

Ապրիլյան լայնամասշտաբ գործողությունները Արցախի Հանրապետության պաշտպանության բանակի և Ադրբեջանի Հանրապետության զինված ուժերի շփման գծի ողջ երկայնքով սկսվեցին 2016 թվականի ապրիլի 1-ի լույս 2-ի գիշերը։ Առավել թեժ մարտեր ընթացան ռազմաճակատի վերածված առաջնագծի հարավային (Հադրութ) և հյուսիսարևելյան (Մարտակերտ) ուղղություններով։

Ապրիլի 1-ի լույս 2-ի գիշերը ադրբեջանական կողմը լայնածավալ հարձակողական գործողությունների ընթացքում կիրառեց իր զինանոցում եղած ռազմական տեխնիկայի գրեթե բոլոր հնարավոր տեսակները:

2016 թվականի ապրիլի 1-6-ն ընկած ժամանակահատվածում հայկական կողմի կորուստները կազմեցին.

32 զոհ, ի թիվս որոնց` 8 սպան, 24՝ շարքային և ժամկետային զինծառայողներ,
121 վիրավոր, որոնցից 24-ը` սպա, 97-ը՝ շարքային և ժամկետային զինծառայողներ,
25 հոգի անհայտ կորել է:
Վերջնական տվյալներով` հայկական կողմի կորուստների թիվը՝ 110 սպանված‌ և 121 վիրավոր

Կատարվածից երկու տարի անց կարգի է բերվել միայն սահմանի առաջնագիծը. այն համալրվեց նոր սարքավորումներով, բնականաբար, ՀՀ քաղաքացիների եւ սփյուռքահայերի ֆինանսական ահռելի ներդրումների շնորհիվ: Հայաստանը ՌԴ-ից վերցրած վարկային միջոցներով նոր սպառազինություններ ձեռք բերեց: Իսկ ահա պաշտոնյաները, որոնք պատասխանատու են եղել այս իրավիճակի համար, որեւէ քրեական պատասխանատվության չենթարկվեցին, այլ նրանց ընդամենը պաշտոնանկ արեցին: Ապրիլյան պատերազմը նաեւ իր քաղաքական դասերը «տվեց»` ապացուցելով ԼՂ խնդրի շուտափույթ կարգավորման անհրաժեշտությունը։