ՏԵՍԱՆՅՈՒԹ․ «Ես փախչող չեմ»․ կալանավորվելուց առաջ ինչ է ասել Կանդազը դատարանում․ մանրամասներ՝ դռնփակ նիստից

Երեկ Հակակոռուպցիոն դատարանում «Ուժեղ Հայաստան» կուսակցության անդամ Արթուր Ավանեսյանը՝ հայտնի Կանդազը ոտքի է կանգնել և մեկ հայտարարություն արել իր դեմ հարուցված քրեական վարույթի շրջանակներում:

ArmLur.am-ին դռնփակ դատական նիստից մանրամասներ են հայտնի դարձել, որ վերջինս ասել է. «Խնդրում եմ մի՛ արեք արտահայտություն, որ կփախնի, ես փախչող չեմ»:

Երեկ Հակակոռուպցիոն կոմիտեն ձերբակալել էր «Ուժեղ Հայաստան» կուսակցության անդամ Արթուր Ավանեսյանին՝ Կանդազին: Վերջինիս կալանավորել են: Հարուցված վարույթն առնչվում է ընտրակաշառքին։

Նշենք՝ Ավանեսյանը 2026թ. Ազգային ժողովի ընտրություններին մասնակցելու հայտ ներկայացրած «Ուժեղ Հայաստան» քաղաքական թիմի անդամ է, համակարգում է անվտանգության հարցերը։ Նա հայտնի հետախույզ է, մասնակցել է արցախյան պատերազմներին։ Ըստ նախաքննական մարմնի կողմից ներկայացված ձայնագրության Արթուր Ավանեսյանը զրուցում է կոնկրետ անձանց հետ և բանակում աշխատանքի տեղավորելու խոստումներ է տալիս:

Արդյունքում դատարանը բավարարել է նախաքննական մարմնի միջնորդությունը եւ Արթուր Ավանեսյանը կալանավորվեց 2 ամսով: Նա այս պահին գտնվում է Վարդաշեն քրեակատարողական հիմնարկում:

Քնար Մանուկյան

Մանրամասները՝ տեսանյութում․