Մինսկի խմբի համանախագահները մտադիր են հանդիպում կազմակերպել Հայաստանի և Ադրբեջանի ԱԳ նախարարների միջև

Ադրբեջանի նորանշանակ արտգործնախարար Ջեյհուն Բայրամովը վաղը կհանդիպի ՌԴ արտաքին գործերի նախարար Սերգեյ Լավրովին, որի հետ քննարկվելիք թեմաների մեջ է մտնում նաեւ արցախյան հիմնախնդիրը։

Ինչպես ադրբեջանցի նախարարը հայտնել է ՏԱՍՍ գործակալությանը տված հարցազրույցում, Լավրովի հետ հանդիպման ժամանակ կքննարկվեն ԼՂ հակամարտության կարգավորման հեռանկարները:

Անդրադառնալով Զոհրաբ Մնացականյանի հետ հնարավոր հանդիպման հարցին՝ Բայրամովը նշել է, որ ԵԱՀԿ Մինսկի խմբի համանախագաները ցանկանում են աշնանը նման հանդիպում կազմակերպել Հայաստանի և Ադրբեջանի ԱԳ նախարարների միջև: