ՏԵՍԱՆՅՈՒԹ. Բուհերն անկախ չեն լինի. ռեկտորների ընտրության հարցում կառավարությունը միջամտություն կունենա

Ռեկտորների ընտրության  հարցում կառավարությունը, այնուամենայնիվ, վճռորոշ միջամտություն կունենա

Բուհերի ռեկտորիներին ուսումնական հաստատությունների կառավարման խորհրդի ոչ թե ինը, այլ 20 անդամներ կընտրեն: Կառավարության երեկվա՝ սեպտեմբերի 8-ի նիստի ժամանակ որոշումը գաղտնի ռեժիմով է ընդունվել՝ չզեկուցող հարցերի թվում:

Բարձագույն «Բարձրագույն և հետբուհական մասնագիտական կրթության մասին» օրենքի որոշ դրույթներ, որոնք վերաբերում էին բուհերի կառավարման խորհուրդների կազմավորման կարգին, Սահամանդրական դատարանը հակասահմանադրական էր ճանաչել:

Ըստ երեկ ընդունված փոփոխության՝ բուհերի կառավարման խորհուրդները ձևավորվելու են 25 տոկոս համասնությամբ: 5 անդամ բուհի պրոֆեսորադասախոսական կազմն է ներկայացնելու, 5-ը ուսանողներ են լինելու, 5-ական անդամ էլ հիմնադրի և պետական կառավարման լիազոր մարմիններից, այսինքն՝ նախարարությունից ու կառավարությունից են ներգրավվելու: Ստացվում է, որ պետական բուհերի կառավարման խորհուրդների անդամների ուղիղ կեսին գործադիրը, այսինքն օրվա իշխանությունն է առաջադրելու:

Թեև կրթության, գիտության, մշակույթի ու սպրտի նախարար Վահրամ Դումանյանը մեկ անգամ չէ, որ վստահեցրել է՝ բուհերի կառավարմանն իշխանությունն որևէ կերպով չի միջամտելու, օրենքում կատարվող փոփոխություններն, այնուամենայնիվ, դա չեն հավաստում:

Բուհերի ինքնակառավարումը, տարբեր մասնագետների կարծիքի, չի կարող լիարժեք լինել, եթե կառավարությունը 50 տոկոսով ներգրավված է կառավարման խորհրդում: Բացի այդ՝ որևէ երաշխիք չկա, որ գործադիրը որևէ կերպով չի ներգործելու կառավարման խորհրդի պրոֆեսորադասախոսական անձնակազմի կամ ուսանողների որոշումների վրա:

Մանրամասները՝ տեսանյութում

Սևակ Վարդումյան