Արցախի Հանրապետության Մարդու իրավունքների պաշտպանի ներկայացուցիչներն ապրիլի 8-ին այցելել են Արցախի Հանրապետության Ասկերանի շրջանի Խրամորթ համայնքից տեղահանված և Այգեստան գյուղում ժամանակավոր բնակություն հաստատած ընտանիքներին:
Արցախի ՄԻՊ-ը տեղեկացնում է, որ այցի շրջանակներում ՄԻՊ ներկայացուցիչներին են միացել նաև Արցախում գործող «Էմպատիա» հոգեկան առողջության կենտրոնի հոգեբանները։
Պաշտպանի ներկայացուցիչների կողմից դիտարկվել են տեղահանված և ժամանակավորապես Այգեստան գյուղում բնակություն հաստատած ընտանիքների՝ կանանց, երեխաների և տարեցների կեցության պայմանները, սնունդը, հոգեբանական վիճակը:
Տեղահանվածները ՄԻՊ աշխատակազմի կողմից իրազեկվել են ստեղծված իրավիճակում Կառավարության համապատասխան ծրագրերի մասին՝ ուղղված իրենց սոցիալ-հոգեբանական իրավիճակի մեղմացմանը։
Արձանագրված խնդիրները պաշտպանի կողմից ներկայացվել են պետական լիազոր մարմիններին։
.gif)
