ՌԴ պաշտպանության նախարարությունը հաստատել է, որ ադրբեջանական կողմը Թաղավարդի ուղղությամբ խախտել է հրադադարի ռեժիմը։
«Մեկ օրվա ընթացքում Թաղավարդի շրջանում արձանագրվել է հրադադարի ռեժիմի մեկ խախտում ։ Ադրբեջանի զինված ուժերը հրաձգային զենքից կրակ են բացել Լեռնային Ղարաբաղի «զինված կազմավորումների» դիրքերի ուղղությամբ: Տուժածներ չկան։ Ռուսական խաղաղապահ զորախմբի հրամանատարությամբ, հայկական և ադրբեջանական կողմերի ներկայացուցիչների հետ փոխգործակցությամբ, միջադեպը կարգավորվել է»,- ասված է ՌԴ ՊՆ-ի` հուլիս 29-ի տեղեկագրում։
ԱՀ ՊՆ մամուլի ծառայությունից ավելի վաղ հայտնել էին, որ հուլիսի 27-ին և 28-ին Ադրբեջանի ԶՈՒ ստորաբաժանումները խախտել են հրադադարի պահպանման ռեժիմը՝ տարբեր տրամաչափի հրաձգային զինատեսակներից կրակ բացելով, համապատասխանաբար՝ Տոնաշենի և Կարմիր շուկայի, Թաղավարդի հատվածում տեղակայված Արցախի ՊԲ մարտական դիրքերի ուղղությամբ։
.gif)
