Երևանի քաղաքապետ Տիգրան Ավինյանի որոշմամբ Նոր Նորք վարչական շրջանի ղեկավար է նշանակվել Մարատ Սևոյանը։ Այս մասին տեղեկացնում է Երևանի քաղաքապետի մամուլի քարտուղար Հայկ Կոստանյանը:
Հիշեցնենք, որ Նոր Նորք վարչական շրջանի ղեկավար Տիգրան Տեր-Մարգարյանը դադարեցրել է իր լիազորությունները թաղապետարանի շենքում տեղի ունեցած սկանդալային կռվից հետո:
Հիշեցնենք, որ հայտնի ակտիվիստ Արթուր Չախոյանը աղմուկ հանած մանկապարտեզի և խաղահրապարակի կառուցման թեմայով ցանկանում էր հանդիպել թաղապետին։ Թաղապետարանի աշխատակիցներն արգելեցին, և նրանց միջև ծեծկռտուք սկսվեց։
Վերջում ծեծկռտուքին միացել էր նաև թաղապետ Տիգրան Տեր–Մարգարյանը։
.gif)
