Պաշտպանության նախկին փոխնախարար Վահան Շիրխանյանը այսօրվա մամլո ասուլիսում ասաց, որ նախկին վարչապետ Տիգրան Սարգսյանն իր ղեկավարման տարիներին փորձեց պահպանել բանկային-ֆինանսական համակարգի կայունությունը, որն իրեն հաջողվեց:
Ասուլիսի մյուս բանախոս, գերագույն խորհրդի նախկին պատգամավոր Ազատ Արշակյանից armlur.am-ը հետաքրքրվեց` ի՞նչ սպասելիքներ կարելի է ունենալ նոր ձևավորվող կառավարությունից.«Ունեմ լավ սպասելիքներ, եթե դա չունենամ, դա նշանակում է գնալ-ինքնասպան լինել: Կարծում եմ, օրինակ, Դավիթ Հարությունյանը լավ կաշխատի»,- ասաց Արշակյանը:
Քաղաքաշինության նորանշանակ նախարար Նարեկ Սարգսյանի մասին էլ խոսելիս պրն Արշակյանն ասաց, որ եթե մարդկանց գնահատենք նրանց անցյալով, ապա հնարավոր է` ընդհանրապես իշխանություն չունենանք:
«Եթե Նարեկ Սարգսյանի կենսագրությամբ առաջնորդվենք, ապա Նարեկ Սարգսյանին պետք է պահել բետոնե խցիկում: Բայց հնարավոր է նա իր սխալն ուղղի, և նորից կանաչապատի քաղաքը, քանի որ նա զրկեց մեր քաղաքը կանաչից»,- ասաց բանախոսը:
Վահան Շիրխանյանն էլ ասաց, որ նոր կառավարությունը պետք է հետամուտ լինի իրական հատվածի` արդյունաբերության, կիրառական գիտության, գյուղատնտեսության զարգացմանը:
Սոնա Դավթյան
.gif)
