Ադրբեջանը ՌԴ-ի համար կայուն և հուսալի գործընկեր է բազմաթիվ ոլորտներում․ Պուտին

Ռուսաստանի նախագահ Վլադիմիր Պուտինն Ադրբեջանը համարում է իր երկրի համար կայուն և հուսալի գործընկեր։ Ինչպես հաղորդում է ՏԱՍՍ-ը, Ռուսաստանի ղեկավարն այս հայտարարությունն արել է Մոսկվայում՝ Գազ արտահանող երկրների ֆորումում ելույթ ունենալիս։

Ռուսաստանի նախագահը նշել է, որ Մոսկվայի և Բաքվի միջև էներգետիկ ոլորտում լավ հարաբերություններ են ձևավորվել։

«Ադրբեջանը մեզ համար կայուն և հուսալի գործընկեր է բազմաթիվ ոլորտներում, այդ թվում՝ էներգետիկայի», – հայտարարել է Պուտինը։