Երգչուհի Մարգարիտա Բարխոյանը պատրաստվում է թողարկել իր առաջին հեղինակային CD-ն: Նա այժմ զբաղված է նոր երգերի ձայնագրությամբ:
Armlur.am-ին Մարգարիտան տեղեկացրեց, որ շուտով նկարահանվելու է նաեւ նոր տեսահոլովակ՝ իր հեղինակած երգի հիման վրա: Երգչուհին որդեգրել է մի սկզբունք. հիմնականում կատարում է իր գրած գործերը: Մեր այն հարցին, թե ինչու Մարգարիտան հաճախակի չի երեւում եթերում, վերջինս պատասխանեց. «Եթե կան մարդիկ, որոնք անընդհատ երեւում են, ուրեմն իրենց օգնում են, իսկ ես ինքնուրույն եմ անում ամեն քայլ»:
Անդրադառնալով երկրպագուների ցանկությանը, որը վերաբերում է եղբոր հետ կրկին դուետով հանդես գալուն, Մարգարիտան նշեց, որ թեեւ վերջին շրջանում իրենք առանձին են ներկայանում հանրությանը, միասին դեռ էլի հանդես կգան դուետներով:
Բացի այդ՝ նա եղբոր համար գրել է նոր մի երգ, որը դեռ չի Երգչուհին պատրաստվում է դուետով հանդես գալ մեկ այլ արտիստի հետ եւս, թե ում՝ նա չցանկացավ մանրամասնել՝ հավելելով, որ այդ հարցը քննարկումների փուլում է: Մարգարիտայի խոսքով՝ ինքն այս տարի Ամանորը դիմավորելու է բեմի վրա՝ Ծաղկաձորում. նա երգելու է մի միջոցառման շրջանակներում: Խոսելով երկրպագուներին հետաքրքրող մեկ այլ հարցի շուրջ, որը վերաբերում է անձնականին, երգչուհին նշեց, որ իր սիրտը դեռ զբաղված չէ. «Ես դեռ չեմ ուզում ինչ-որ մեկին տեսնել իմ կողքին, դրա համար էլ, երևի այդ մեկը չկա, պարզապես ցանկություն չունեմ»,-եզրափակեց նա:
Լուսանկարները՝ Bravo.am-ի
Աննա Բաբաջանյան
.gif)
