Այսօր լրագրողների հետ հանդիպման ժամանակ Շուշիի առանձնակի գումարտակի հրամանատար Ժորա Ֆարյանը նշեց, որ Շուշիի ազատագրական պայքարում մեծ դերակատարում է ունեցել Ժիրայր Սէֆիլյանը:
«Ես հիմա ինչ էլ ասեմ` օբյեկտիվ չի լինի, քանի որ Ժիրայր Սէֆիլյանի ամեն արած իմ համար ճիշտ է»,- ասաց ազատամարտիկը և հավելեց, որ ինքը Սէֆլյանի քաղաքական գործունեությունը նորմալ է գնահատում:
Armlur.am-ի դիտարկմանը, թե տարբեր մարդիկ կասկածի տակ են դնում Ժիրայր Սէֆիլյանի դերակատարումը ազատագրական պայքարին, Ֆարյանը պատասխանեց. «Ինչքան նախագահ է փոխվում, ըստ այդմ Շուշիի ազատագրական պայքարի նկարագրությունն է փոխվում, հրաման տվողներն են փոխվում: Բայց անկախ նրանից թե ինչ իշխանություն է, մենք հաղթելու ենք»:
Խոսելով գեներալ Մանվել Գրիգորյանի և ազատագրական պայքարում նրա դերակատարության մասին, Ֆարյանն ասաց՝ ինքը մարտի դաշտում երբևէ չի տեսել Մանվել Գրիգորյանին: «Ես Մանվել Գրիգորյանին ճանաչում եմ այնպես, ինչպես Հայաստանի մնացած բնակիչները»,- ընդգծեց Շուշիի առանձին գումարտակի հրամանատար Ժորա Ֆարյանը:
.gif)
