Բաց երկնքի քաղաքականությունն ազատ դաշտ է ստեղծում ավիափոխադրողների համար, բայց այս պահին արդյունքը գոհացուցիչ չէ: Այսօր լրագրողների հետ զրույցում, անդրադառնալով ոլորտի ներկայիս վիճակին, նման հայտարարություն արեց Քաղաքացիական ավիացիայի գլխավոր վարչության պետ Արտյոմ Մովսեսյանը:
«Ավիացիայի ոլորտում այն փոփոխությունները, որոնք կառավարությունը հանձնարարել էր կատարել, կատարվել է: Այն փոփոխությունները, որոնք անհրաժեշտ էին կատարել ավիացիայի ոլորտում, նույնպես արված են: Խոսքը վերաբերում է ինստիտուցիոնալ փոփոխություններին»,-նշեց նա:
Այն դիտարկմանը, որ ավիաընկերությունները հեռանում են Հայաստանից, և գերադասում աշխատել Վրաստանում, Ա.Մովսեսյանը նշեց, որ բաց երկնքի քաղաքականությունը Վրաստանում վարվում է արդեն 10 տարի, իսկ ՀՀ-ում՝ միայն 2 տարի:
«Մեկն ասում է հեռանում եմ` վեց ամիս հետո ետ կգամ, մեկն ասում է հեռանում եմ` վերակազմավորում եմ կատարում: Վրաստանը կարող է մշտապես էժան լինել, քանի որ այնտեղի ճանապարհն ավելի գայթակղիչ է, բայց չի նշանակում, որ մենք պետք է համեմատենք դա: Բերենք մնացած հարևան երկրների հետ էլ համեմատենք», – հավելեց նա:
Նրա խոսքով, «Էյր Արմենիա»-ն հեռացավ, քանի որ չկարողացավ դիմանալ մրցակցությանը:
.gif)
