Սոչիում տեղի է ունեցել «Նոր ալիք-2015» միջազգային մրցույթի փակմանը նվիրված մամուլի ասուլիսը, որի շրջանակներում կազմակերպիչները ներկայացրել են 10 օր տևած մրցույթի արդյունքները, իսկ Woman.ru ռուսական հեղինակավոր ամսագիրը հատուկ մրցանակ է շնորհել Հայաստանի նեկայացուցիչ՝ երգիչ և պրոդյուսեր Գրիգոր Կյոկչյանին:
Woman.ru-ն Գրիգոր Կյոկչյանին «Նոր ալիք-2015» միջազգային մրցույթի լավագույն արտիստ է ճանաչել:
Գրիգոր Կյոկչյանն իր շնորհակալությունն է հայտնել բոլոր նրանց, ովքեր քվեարկել են իր օգտին և նշել է, որ արտիստի համար գլխավորը հանրության ճանաչումն է, իսկ ստացած միավորները չեն ապահովում արտիստի կարիերայի հետագա զարգացումը:
Կյոկչյանը խոստովանել է, որ ամենաբարդն իր համար մրցութային երկրորդ օրն է եղել, երբ նա հանդես է եկել Iowa խմբի հետ:
Երիտասարդ արտիստը լուրջ ծրագրեր ունի. նա «աֆրո ռոք» ոճով նոր նախագիծ է պատրաստում և մտադիր է շարունակել կարիերան Ռուսաստանում:
Հիշեցնենք, որ «Նոր ալիք-2015» միջազգային մրցույթի հաղթող է ճանաչվել Դամիր Կեդզոն Խորվաթիայից: Մրցույթին մասնակցել են 12 երկրների 15 կատարողներ՝ Ռուսաստանից, Հայաստանից, Բելառուսից, Բուլղարիայից, Հունաստանից, Ինդոնեզիայից, Իտալիայից, Ղազախստանից, Լատվիայից, Ուկրաինայից, Խորվաթիայից և Շվեյցարիայից:
.gif)
