Լիբանանում ՀՀ դեսպանատան միջոցով ճշտվել է, որ Քաա գյուղում զոհեր, վիրավորների կամ տուժածներ հայերի շրջանում դեռ չկան: Այս մասին ArmLur.am-ին հայտնեց ՀՀ ԱԳՆ խոսնակ Տիգրան Բալայանը:
BBC-ի փոխանցմամբ` առնվազն 6 մարդ է զոհվել և 13 մարդ տուժել Լիբանանում հնչած սերիական պայթյունների արդյունքում:
2 մահապարտ ահաբեկիչ պայթեցրել են իրենք իրենց ամբոխի մեջ Քաա գյուղում, որը գտնվում է երկրի արևելքում՝ սիրիական սահմանի մոտ:
Այս մասին հայտնել է «Հեզբոլահ» խմբավորման հեռուստաալիքը: Հարձակման թիրախի և դրա կազմակերպիչների մասին տեղեկություններ չկան:
«Լիբանանի ձայնի» փոխանցմամբ՝ բոլոր զոհվածները քաղաքացիական անձինք են, սակայն տուժածների մեջ Լիբանանի բանակի զինծառայողներ կան:
Ռազմական կոնֆլիկտում Լիբանանում տեղակայված «Հեզբոլահ» խմբավորումն աջակցում է Սիրիայի նախագահ Բաշար Ասադին:
«Հեզբոլահ»-ն ահաբեկչական կազմակերպություն է ճանաչվել ԱՄՆ-ում, Մեծ Բրիտանիայում և մի քանի այլ երկրներում:
.gif)
