Թուրքիայում օգոստոսի 2-ին կորոնավիրուսից (Covid-19) մահացել է 15 մարդ։ Այդ մասին հայտնել են Թուրքիայի առողջապահության նախարար Ֆահրեթթին Քոջան։ Այս մասին հայտնում է ermenihaber.am-ը։
Նախարարը նշել է, որ 1 օրում կատարված 40․247 թեստի արդյունքում հաստատվել է կորոնավարակի 987 նոր դեպք։ Նույն ժամանակահատվածում գրանցվել է ապաքինման 978 դեպք:
Ըստ պաշտոնական տվյալների` մինչև օրս համավարակից ապաքինվել է 216.494 մարդ, իսկ 582 հիվանդ էլ գտնվում է վերակենդանացման բաժանմունքում։
Թուրքիայում մինչև այժմ ընդհանուր առմամբ արձանագրվել է վարակման 232․856 և մահվան 5․728 դեպք։ Թեստավորումների թիվը հասել է 4 մլն 885.916-ի։
Հիշեցնենք, որ Թուրքիայում պաշտոնական տվյալներով` կորոնավիրուսով վարակվելու առաջին դեպքը հաստատվել է մարտի 11-ին, իսկ մահվան առաջին դեպքը՝ մարտի 17-ին։
.gif)
