ԱՄՆ մուտք գործելիս կորոնավիրուսի թեստի ներկայացման պահանջը փոխվել է

ԱՄՆ Հիվանդությունների վերահսկման և կանխարգելման կենտրոնների կայքում թարմացել է երկիր մուտք գործելիս թեստի ներկայացման պահանջը։

Ըստ որի, սկսած դեկտեմբերի 6-ից 2 տարեկան և ավելի բարձր տարիքի բոլոր անձինք, որոնք ԱՄՆ են մուտք գործում օդային ճանապարհով, մինչև թռիչքը պարտավոր են ներկայացնել COVID-19 թեստի բացասական պատասխան։ Վերջինս պետք է հանձնված լինի ճանապարհորդությունից առաջ ոչ շուտ քան 24 ժամվա մեջ՝ նախկին 72 ժամվա փոխարեն։

Թեստի փոխարեն կարող են ներկայացնել նաև վերջին 90 օրվա ընթացքում COVID-19-ից ապաքինված լինելու մասին փաստաթուղթ։