«Մալաթիա» տոնավաճառի գործունեությունն առաջիկայում կկասեցվի: Այս մասին որոշում է կայացրել ՀՀ քաղաքաշինության, տեխնիկական եւ հրդեհային անվտանգության տեսչական մարմինը:
Հիշեցնենք՝ ArmLur.am-ը դեռեւս նախորդ տարվա հոկտեմբերին գրել էր, որ տեսչական մարմինը ստուգումներ է իրականացրել Մալաթիայի տոնավաճառում: Արդյունքում հայտնաբերվել են մի շարք խախտումներ եւ տնտեսվարողին ժամանակ է տրվել դրանք վերացնել: Ավելին, տնետսվարողը գրություն է ուղարկել տեսչական մարմին եւ հայտնել, որ աշխատանքը կատարվել է: Սակայն տեսչական մարմինը կատարած աշխատանքները համարել է անբավարար եւ որոշել է կասեցնել տոնավաճառի գործունեությունը: Մենք տեղեկացանք՝ նրանց մինչեւ այս ամսվա վերջ ժամանակ է տրվել՝ տաղավարներն ազատելու համար:
Նշենք, որ տեսչական մարմնի այս որոշումը մեծ դժգոհության ալիք է բարձրացրել տոնավաճառի առեւտրականների մոտ: Տեղեկացնենք, որ նախորդ տարվա օգոստոսի 14-ին «Սուրմալու» առեւտրի կենտրոնում տեղի ունեցած ուժգին պայթյունից հետո տեսչական մարմինը ստուգումների շարք էր սկսել երեւանյան տոնավաճառներում:
Ասել է թե՝ Հայաստանի առեւտրի խոշոր կենտրոնները խոշորացույցի տակ են եւ բոլոր այն օբյեկտները, որոնք 2021 թվականին ստուգվել են, կարգադրագրի ժամկետները լրացել են, տեսչական մարմինը նորից ստուգում է իրականացրել:
Ի դեպ, ArmLur.am-ը տեղեկացավ, որ սստուգվել են նաեւ մյուս առեւտրի կետերը, այդ թվում՝ «Գնունի» շուկան: Թե ինչ որոշում կկայացվի առեւտրի մյուս կետերի մասով, ցույց կտա ժամանակը:
Մանրամասները՝ տեսանյութում
Ս.Հ.
.gif)
