Մոսկվայում մեծ զարմանքով ընդունեցին մարտի 6 –ին Բրյուսելում կայացած Եվրախորհրդի` Ուկրաինային նվիրված նիստի արդյունքները:
Մարտի 6 –ին Եվրախորհրդի նիստի ժամանակ հայտարարվել էր, որ դադարեցվում է Ռուսաստանի հետ ազատ վիզային ռեժիմն ու այլ համագործակցություններ, հաղորդում է ИТАР-ТАСС լրատվականը:
ՌԴ Արտաքին գործերի նախարարությունում նշեցին, որ Եվրախորհրդի այս քայլն ապակառուցողական է, և դա այն դեպքում, երբ բոլորը Ուկրաինայում տիրող իրավիճակը կարգավորելու ուղիներ են փնտրում: «Եվրախորհրդի հետ համագործակցությունների ոլորտում հսկայական աշխատանքներ են տարվել, հարթվել են բազմաթիվ տարաձայնություններ, սակայն եթե Եվրախորհրդում որոշել են, որ այդ պայմանավորվածությունները Ռուսաստանի համար ավելի կարևոր են, քան իրենց, չարաչար սխալվում են»,- ավելացրել են Արտաքին գործերի նախարարությունում:
«Ռուսաստանը չի հանդուրժի պատժամիջոցներով ու սպառնալիքներո խոսելաոճը. եթե դրանք կիրառվեն գործանակում ` պատասխանն իրեն երկար սպասեցնել չի տա»,- շեշտել են ՌԴ-ի ԱԳՆ-ում:
Նյութը պատրաստեց Հայկանուշ Ալոյանը:
.gif)
