ՀԱՄԱՍ-ն իսրայելցի զինվորականներին ազատ արձակելու համար պայման է առաջարկել

Պաղեստինյան ՀԱՄԱՍ խմբավորումը կարող է բանակցել Իսրայելի հետ գերեվարված իսրայելական պաշտպանության բանակի (IDF) զինվորներին ազատ արձակելու շուրջ, եթե Գազայի հատվածում մարտերը դադարեցվեն և շրջափակումը չեղարկվի։ Այս մասին հայտնում է եգիպտական ​​Al-Qahira Al-Ikhbariya հեռուստաալիքը, փոխանցում է ТАСС-ը։

ՀԱՄԱՍ-ը, ըստ հեռուստաալիքի, հաստատել է, որ գերի ընկած իսրայելցի զինվորների ազատ արձակման պայմանները այլ կլինեն:

Զինվորական անձնակազմի փոխանակման շուրջ բանակցությունները, ի թիվս այլ բաների, ներառում են Գազայի հատվածում «ռազմական գործողությունների ավարտի և շրջափակման վերացման» քննարկում։

Նոյեմբերի 29-ին արաբական Al-Araby Al-Jadeed թերթը, վկայակոչելով Եգիպտոսի պաշտոնյաներին, հայտնել էր, որ Իսրայելի կառավարությունը և ՀԱՄԱՍ-ը նախնական պայմանավորվածություն են ձեռք բերել հումանիտար զինադադարը ևս երկու օրով երկարաձգելու վերաբերյալ։ Նույն պայմաններով Գազայի հատվածում հրադադարը կարող է երկարաձգվել։