ՖՈՏՈ, ՎԻԴԵՈ․ Նիկոլ Փաշինյանն ու Ալեն Սիմոնյանը հարգանքի տուրք են մատուցել հանուն հաղթանակի իրենց կյանքը տված նահատակների հիշատակին

Երկրորդ աշխարհամարտում, Հայրենական մեծ պատերազմում ֆաշիզմի նկատմամբ հաղթանակի 79-րդ տարեդարձի առթիվ վարչապետ Փաշինյանը այցելել է Հաղթանակի զբոսայգի, հարգանքի տուրք մատուցել:

Ֆեյսբուքյան էջում վարչապետը նշել է․

«Հաղթանակի և խաղաղության տոնի առթիվ «Հաղթանակ» զբոսայգում հարգանքի տուրք՝ ֆաշիզմի դեմ մղված պայքարում, ինչպես նաև Հայաստանի Հանրապետության պետականության, անկախության, ինքնիշխանության համար իրենց կյանքը տված մեր նահատակների հիշատակին»:

«Հաղթանակ» զբոսագում են նաեւ բարձրաստիճան զինվորականներ, պատերազմի բազմաթիվ վետերաններ

Նիկոլ Փաշինյանը մոտեցել է զբոսայգի ժամանած վետերաններին՝ շնորհավորել նրանց տոնական օրվա առթիվ և մաղթել առողջություն:
ՀՀ բարձրագույն ղեկավարությունը ծաղիկներ է դրել Անհայտ զինվորի հուշարձանին ու հարգանքի տուրք մատուցել ֆաշիզմի դեմ մղված պայքարում, ինչպես նաև Հայաստանի Հանրապետության պետականության, անկախության, ինքնիշխանության համար իրենց կյանքը տված մեր նահատակների հիշատակին:

Նշենք, որ վաղ առավոտից «Հաղթանակ» զբոսայգին փակ է, այդ թվում լրագրողների համար:

Հիշեցնենք` մայիսի 9-ը հայության համար տարիներ շարունակ եռատոն է եղել` Երկրորդ համաշխարհային պատերազմում խորհրդային ժողովուրդների տարած հաղթանակի, Արցախի պաշտպանության բանակի ստեղծման և 1992թ-ի Շուշիի ազատագրման օրը: Շուշին, սակայն, կորցրինք 2020–ի նոյեմբերին արցախյան 44–օրյա պատերազմում կրած ցավալի պարտության արդյունքում։

Մանրամասները՝ տեսանյութում։